Q：超急用，聽日甚至今晚就要，仲有冇辦法？
A：有機會，呢類臨急情況我哋真係見過唔少 😅 最重要係先確認角色、尺碼、活動日期／時間。如果香港有現貨，可以優先考慮葵芳自取、即日步兵，或者預約後晚上7時葵芳站／青衣站交收；部分情況亦可安排順豐。超急單唔好淨係睇平時3–7個工作天出貨時間，換個取貨方法，有時就救得返。
Q：如果買錯碼，仲可唔可以換？
A：呢個真係好多家長都會擔心，所以收到服裝後最好當日先畀小朋友試穿 😊 試穿時請保留原裝吊牌，保持服裝完整、清潔及原裝良好狀態。如果發現尺碼唔合適，請於簽收後24小時內通知我們，我哋會協助安排更換同款其他尺碼。換碼來回快遞費用由客人負責。
Q：學校一班小朋友要團體表演可以嗎？
A：可以按角色、尺碼及活動日期先整理數量。學校表演最怕最後先逐個尺碼補貨，所以如果係一班或一組小朋友，越早整理人數同身高會越容易安排。
Q：有冇成人角色，可以親子一齊著？
A：部分主題亦有成人款，可以再配成親子角色造型。尤其 Halloween、生日派對或家庭主題活動，親子一齊扮會更完整。
Q：相中所有配件都一定包括嗎？
A：唔一定。不同角色套裝內容不同，有啲係衣服、有啲連帽、披風、腰帶或配件，所以落單時應以該款商品列明嘅套裝內容為準。
Q：小朋友比較瘦，應唔應該買細一碼？
A：唔建議純粹因為瘦就直接縮碼，因為袖長、褲長同整體身長一樣重要。有時腰位多少少空間可以處理，但衣長太短就好難補救。
Q：小朋友比較肥，應唔應該買大一碼？
A：唔一定要直接買大一碼，因為唔同 Costume 嘅剪裁差別可以好大。有啲款本身比較鬆身，有啲就會較修身。除咗睇身高，我哋通常都會再參考胸圍、腰圍同體型；如果小朋友比較有肉地，寧願預多少少活動空間，著起身會舒服啲。唔肯定嘅話，可以提供小朋友身高、體重及腰圍／胸圍，會比單靠年齡揀碼準確好多。
Q：點樣先可以最快搵到啱嘅款？
A：與其打「有咩 Costume」，不如一次過準備「角色＋小朋友身高＋活動日期」。例如「想搵Paw Patrol Chase，122cm，星期五要」，處理速度會快得多。
Q：兒童 Costume 應該點清洗？
A：大部分角色服裝都有印花、裝飾、魔術貼或者不同物料拼接，所以我哋一般建議冷水輕柔手洗，避免長時間浸泡、漂白及用乾衣機。洗完之後放喺陰涼通風位置自然晾乾會比較穩陣。如果需要熨平，可以用低溫蒸氣熨，避免熨斗直接接觸印花或裝飾。第一次清洗前，亦最好先睇返服裝本身嘅洗滌標籤。
